Gazetari dhe ufologu, Hose Hajme Musan (o. José Jaime Maussan) u ka prezantuar politikanëve në Meksikë ato që ai pretendon se janë dy kufoma alienësh të marra nga Kusko, dikur kryeqytet i perandorisë inkase dhe tani qytet në Peru.
Kufomat e supozuara janë paraqitur në kuti dritaresh në Meksiko-Siti, duke shkaktuar entuziazëm tek komuniteti i teoricienëve të UFO-ve.
Sipas raportimeve të medieve meksikane, Musani dëshmoi nën betim se ekzemplarët e mumifikuar nuk janë pjesë e “evolucionit tonë tokësor” dhe se gati një e treta e ADN-së së tyre është “e panjohur”.
Në një seancë publike, Musani u tregoi zyrtarëve amerikanë dhe anëtarëve të qeverisë meksikane disa video të “UFO-ve dhe fenomeneve anormale të paidentifikuara”, përpara se të zbulonte kufomat e supozuara të alienëve.
Musani është shprehur se mostrat ishin studiuar nga shkencëtarët e Universitetit Kombëtar Autonom të Meksikës (UNAM), të cilët thuhet se ishin në gjendje të nxirrnin prova të ADN-së duke përdorur radiokarbon.
Ai pretendon se pas krahasimit me mostrat e tjera të ADN-së, më shumë se 30 për qind e mostrave të ADN-së u gjet se ishin “të panjohura”.
Gjatë seancës dyshohet se u shfaqën rrezet iks të mostrave dhe ekspertët dëshmuan nën betim se në njërin prej trupave kishte “vezë” brenda, ndërsa të dy u tha se kishin implante nga metale shumë të rralla, si osmiumi.
Gazetar: Artur Mata
/rtsh.al/
