Sekretari Amerikan i Shtetit, Antony Blinken ka deklaruar se SHBA ka “parë gjatë dy ditëve të fundit një përparim në Izrael duke u angazhuar për të adresuar” nevojat e OKB-së për ofrimin efektiv të ndihmës humanitare në të gjithë Gazën.
Ndihma është grumbulluar në anën e kufirit në Gazë, me agjencitë humanitare që thonë se është shumë e rrezikshme për t'u ofruar për shkak të paligjshmërisë së bashku me operacionet e vazhdueshme ushtarake izraelite.
Blinken u tha gazetarëve pasi mirëpriti koordinatoren humanitare të OKB-së për Gazën Sigrid Kaag në Departamentin e Shtetit se ai i adresoi këto çështje me ministrin e Mbrojtjes Yoav Gallant kur ky i fundit ishte në Uashington në fillim të kësaj jave.
“Është mirë dhe e rëndësishme që Izraeli po i adreson këto nevoja shumë konkrete, por ato duhet të zbatohen sa më shpejt që të jetë e mundur. Nuk ka kohë për të humbur”, tha ai.
/rtsh.al/