Kroacia, duket se është aktualisht problemi më i madh për autoritetet serbe pasi vendi po përballet me protesta dhe bllokada studentore disamujore.
Kroacia të enjten rekomandoi shtetasit e saj të shtyjnë udhëtimin jo thelbësor në Serbi, duke pretenduar se Beogradi kishte dëbuar pesë gra kroate duke përmendur arsye sigurie.
Disa ditë pasi presidenti Aleksandar Vuçiç foli për dijeninë se shërbimi sekret kroat ishte i përfshirë në organizimin e protestave, pesë shtetas kroatë u dëbuan nga Serbia, së bashku me tetë të huaj të tjerë që morën pjesë në një seminar ekonomik për organizatat joqeveritare.
Në mbrëmjen e 22 janarit, policia me rroba civile mori në pyetje pjesëmarrësit e mbledhjes së Akademisë së Fondacionit Erste, mes të cilëve kishte shtetas të Sllovenisë, Sllovakisë, Maqedonisë së Veriut, Shqipërisë, Moldavisë, Rumanisë, Austrisë dhe Republikës Çeke, raportoi portali Autonomija .
BBC në gjuhën serbe raport se, në vendimin e marrë nga autoritetet, pas disa orësh pyetje dhe një dokumenti në cirilik që duhet ta nënshkruajnë, thuhej se arsyet e deportimit ishin “për të mbrojtur sigurinë e Republikës së Serbisë dhe qytetarëve të saj”.
Për këtë rast nuk kishte asnjë shpjegim zyrtar dhe Kroacia, për shkak të marrëdhënieve dhe trajtimit të qytetarëve të saj në Serbi, u dërgoi një notë proteste autoriteteve në Beograd.
Ministria e Punëve të Jashtme të Kroacisë më pas lëshoi rekomandime për qytetarët që të shtyjnë udhëtimet jo thelbësore në Serbi.
Komisioni Evropian foli gjithashtu, duke shprehur shqetësimin për ndalimin dhe dëbimin e "aktivistëve paqësorë të shoqërisë civile nga vendet anëtare të BE-së dhe rajoni i Ballkanit Perëndimor, sepse ato përbëjnë një rrezik sigurie".
/rtsh.al/
