Ministria e Shëndetësisë së Kosovës ka bërë me dije se në 24-orët e fundit nuk ka patur asnjë humbje jete si pasojë e COVID-19.
Sipas njoftimit të Ministrisë, nga 882 testime, 13 qytetarë kanë rezultuar pozitiv me koronavirus, ndërsa janë shëruar 23 qytetarë.
Ministria po ashtu, njofton se gjatë 24-orëve të fundit janë dhënë 250 doza të vaksinave anti Covid.
Njoftimi i Ministrisë:
27 Prill 2022: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
ℹ Në 24 orët e fundit janë dhënë 250 doza të vaksinës kundër COVID-19.
ℹ Prej fillimit të vaksinimit në të gjitha qytetet e Kosovës janë dhënë 1.825.708 doza të vaksinës.
ℹ Deri më sot 821.889 qytetarë janë vaksinuar me dozën e dytë.
ℹ Deri më sot janë dhënë 101.327 doza përforcuese dhe doza të treta të vaksines kundër COVID-19.
ℹ Nga 822 testime, 13 qytetarë kanë rezultuar pozitiv me virusin COVID-19.
ℹ Gjatë 24 orëve të fundit, nuk është shënuar asnjë rast i vdekjes.
ℹ Sot janë shëruar 23 qytetarë, derisa numri i përgjithshëm i të shëruarve është 224.454.
ℹ Në total numri i rasteve aktive është 412.
/rtsh.al/