Mbetjet hapësinore ose të njohura në gjuhën e folur si mbeturina hapësinore është emri që shkencëtarët u japin mijëra pjesëve të satelitëve të thyer dhe anijeve kozmike që bllokojnë orbitën e Tokës.
Mbeturinat hapësinore mund të jenë aq të vogla sa një copë bojë ose aq te mëdha sa një mjet lëshimi raketash i braktisur.
Pavarësisht nga madhësia, mbetjet orbitale përbëjnë një kërcënim të rëndësishëm për astronautët dhe anijen kozmike që punojnë në orbitën e Tokës, sipas NASA-s.
Sasia e mbeturinave hapësinore në orbitë rritet krah për krah me rritjen e industrisë hapësinore në Tokë.
Rrjeti i Mbikëqyrjes Hapësinore të Shteteve të Bashkuara aktualisht gjurmon më shumë se 23,000 pjesë të mbeturinave hapësinore që janë më të mëdha se një top.
Kjo përfshin rreth 3,000 satelitë të zhdukur që janë lënë të kalben në orbitë, sipas Muzeut të Historisë Natyrore të Londrës.
Megjithatë, shumica e pjesëve të mbeturinave orbitale janë shumë të vogla për t'u gjurmuar.
Studiuesit vlerësojnë se ka më shumë se 100 trilion pjesë të mbeturinave hapësinore të pa gjurmuara në orbitën e Tokës.
Shumica dërrmuese e këtyre mbeturinave të pa gjurmuara ka të ngjarë të jetë më pak se 1 centimetër e gjerë, sipas Agjencisë Evropiane të Hapësirës.
Mesatarisht, diku nga 200 deri në 400 pjesë të mbeturinave hapësinore të gjurmuara bien në atmosferën e Tokës çdo vit, sipas Administratës Kombëtare të Oqeanit dhe Atmosferës.
Pjesa më e madhe e këtyre mbeturinave që bien lirisht është mjaft e vogël saqë digjet tërësisht në atmosferë, duke mos arritur kurrë në tokë.
Objektet më të mëdha që mund t'i mbijetojnë rënies (si satelitët) zakonisht bien në oqean, por jo gjithmonë citon livescience.
/rtsh.al/
