Mbretëria e Bashkuar do t'i sigurojë Ukrainës 150 artileri dhe një sistem të ri të mbrojtjes ajrore. Kjo u bë e ditur gjatë konferencës për mediat mes kryeministrit britanik Keir Starmer dhe presidentit ukrainas Volodymyr Zelensky.
Keir Starmer tha se Britania do t'i sigurojë Ukrainës 150 fuçi artilerie të prodhuara nga Sheffield Forgemasters.
“Për herë të parë në më shumë se 20 vjet, këto fuçi do të prodhohen në Mbretërinë e Bashkuar. Dhe ata do të fillojnë të mbërrijnë në Ukrainë pas disa javësh”, tha kreu i qeverisë britanike.
Gjithashtu, ai njoftoi dërgimin e një sistemi të ri të mbrojtjes ajrore të lëvizshme, i cili u zhvillua së bashku me Danimarkën.
“Ne do të punojmë me aleatët tanë për të forcuar këtë punë. Më lejoni të jem shumë i qartë kur bëhet fjalë për stërvitjen e mbrojtësve ukrainas. Asgjë nuk është jashtë rendit të ditës”, tha Keir Starmer.
Më 16 janar, Ukraina dhe Mbretëria e Bashkuar nënshkruan marrëveshjen historike mbi një partneritet 100-vjeçar për të thelluar lidhjet e sigurisë dhe për të forcuar partneritetin për brezat e ardhshëm.
/rtsh.al/
