Galeria e Arteve në Sarandë prej disa ditësh ka çelur ekspozitën “Impresion” me krijime të piktorit të mirënjohur sarandjot Vasil Kaçi. Piktori Kaçi na tregon se këto krijime të veçanta kanë ardhur si pasojë e nostalgjisë, ku ka dashur të përcjellë për artdashësit Sarandën e dikurshme të realizuar tashmë në piktura, që përfaqësojnë më së miri vlerat e këtij qyteti.
Drejtori I galerisë Lefter Çeko u shpreh se artisti ka rreth tre vite që punon për të realizuar këto dyzet vepra me në fokus bregun dhe detin. Ndërkohë të shumtë kanë qenë edhe vizitorët që kanë parë nga afër këto krijime.
Ekspozita “Impresion Saranda” do të qëndrojë e hapur përgjatë gjithë javës së parë të këtij muaji ,jo vetëm për artdashësit vendas por edhe për vizitorët e huaj.
/RTSH/
