Këshilli i Lartë Gjyqësor (KLGJ) dhe Këshilli i Lartë i Prokurorisë (KLP) pritet të plotësohen me anëtarë të rinj, të cilët tani do u nënshtrohen verifikimit paraprak formal.
KLGJ-ja dhe KLP-ja njoftuan të martën mbylljen e aplikimeve për vendet vakante.
Për KLGJ-në, dokumentacioni i kërkuar është dorëzuar nga kandidatët:
- Znj. Emona Muçi – Gjykata e Apelit të Juridiksionit të Përgjithshëm Tiranë;
- Znj. Irida Kacerja – Gjykata e Apelit të Juridiksionit të Përgjithshëm Tiranë;
- Znj. Alma Kodraliu – Gjykata e Shkallës së Parë të Juridiksionit të Përgjithshëm Tiranë;
- Znj. Gentjana Muçaj – Gjykata Administrative e Shkallës së Parë Tiranë;
- Z. Markelian Koça – Gjykata e Shkallës së Parë të Juridiksionit të Përgjithshëm Durrës.
Ndërkohë, për tre vendet vakante në KLP kanë shprehur interes 7 kandidatë:
- Z. Moisi Duda, prokuror i Prokurorisë pranë Gjykatës së Apelit të Juridiksionit të Përgjithshëm;
- Znj. Afërdita Ndoi, prokurore e Prokurorisë pranë Gjykatës së Apelit të Juridiksionit të Përgjithshëm;
- Znj. Edina Kurti, prokurore në Prokurorinë e Shkallës së Parë të Juridiksionit të Përgjithshëm Durrës;
- Znj. Edlira Bako, prokurore, Prokuroria pranë Gjykatës së Shkallës së Parë të Juridiksionit të Përgjithshëm, Elbasan;
- Znj. Elsa Miha prokurore, Prokuroria pranë Gjykatës së Shkallës së Parë të Juridiksionit të Përgjithshëm Tiranë;
- Z. Olgert Eminaj, prokuror në Prokurorinë pranë Gjykatës së Shkallës së Parë të Juridiksionit të Përgjithshëm, Korçë; dhe
- Z. Vatë Staka, Prokuror në Prokurorinë pranë Gjykatës së Shkallës së Parë të Juridiksionit të Përgjithshëm, Shkodër.
Administrata e të dyja institucioneve do të vijojë me procesin e verifikimit para se të bëjë shpalljen e kandidaturave zyrtarë.
/rtsh.al/
