Korça ka mirëpritur për të disatin vit radhazi garën ndërkombëtare të makinave dhe motorëve të malit “Rally Albania”.
Rreth 300 garues nga 25 vende të botës garojnë në shtigjet e juglindjes me fokus qytetin e Korçës, si pjesë e itinerarit të kësaj gare të rëndësishme për promovimin sportiv dhe zhvillimin turistik e ekonomik të vendit.
Konkurrentët shprehen se Shqipëria është një vend që i përshtatet më së miri sportit ekstrem të makinave e motorrave malorë.
Korça ishte etapa e tretë e "Rally Albania" pas Tiranës dhe Qeparoit. Pas Korçës pjesmarrësit do i drejtohen Shëngjinit.
Shumica e pjesmarrësve nga jashtë Shqipërisë e kanë për herë të parë pjesmarrjen e tyre.
“Vij nga Republika Çeke, është hera ime e 6 në "Rally Albania", një garë e vështirë sepse terreni këtu asnjëherë nuk është i lehtë, kodra e male të thepisura, por kjo e bën garën më të bukur.” tha një pjasmarrës nga Çekia.
“Është hera ime e parë në Rally Albania, kam rreth 10 vite që merrem me Rally, është një garë e bukur, plot emocione, organizimi këtë vit i shkëlqyer. Këtu në Shqipëri me pëlqen shume natyra, gjen pothuajse gjithçka. Vitin tjetër do jem përsëri këtu.” thotë një pjesmarrës nga Gjermania.
“Është hera e parë në Rally Albania, kam qenë në 2015 këtu por si turist, por edhe si garues është përsëri bukur. Peizazhi këtu, liria, sinqeriteti i shqiptarëve të çlodh.” tha një pjesëmarrës nga Franca.
Gazetare Eftjola Fili
/ rtsh.al /
