Në Portin e Durrësit po përpunohen 7 anije tregtare me mallra të ndryshme si konteinerë, çimento dhe melaminë.
Sipas Autoritetit Portual Durrës 713 njësi konteinerike janë duke u shkarkuar në molin nr.6, duke dëshmuar rritje progresive të mallrave të transportuar me konteinerë.
“Nga viti 2019 volumet e mallrave të transportuar me konteinerë janë rritur me 26.3% , rritje që vijon edhe gjatë gjysmës së parë të 2024”, theksoi APD.
Referuar të dhënave zyrtare, vëllimet tregtare në rrugë detare në Komplesin Portual Durrës-Porto Romano gjatë tremujorit 2024, janë rritur me 3% dhe 4% në të dyja portet, përkatësisht në Portin aktual në Durrës janë përpunuar 814,377 tonë mallra dhe në atë të Porto Romanos 791,932 tonë.
/ rtsh.al /
