Arkivi Qendror Shtetëror i Filmit përkujtoi së fundi një prej figurave të shquara të filmit dokumentar shqiptar, regjisores Adriana Elini-Xhajanka, me rastin e 87 vjetorit të lindjes së saj.
Në faqen online të AQSHF shkruhet se ajo krijoi dhe fiksoi në celuloid jetën, njerëzit, punën, peizazhin e Shqipërisë së viteve ’60 – ’80.
Regjisorja Adriana Elini-Xhajanka, i përket brezit të regjisoreve që filluan punë në fund të viteve ’50 në Kinostudion "Shqipëria e re". Me pasionin e dashurinë për profesionin, nga regjisore montazhi ajo kaloi në regjisore dokumentari dhe për mëse tri dekada krijoi vlera në fushën e kinematografisë dokumentare shqiptare.
Gjatë viteve të krijimtarisë, Adriana realizoi rreth 40 dokumentarë artistikë, reportazhe, kronika të ngjarjeve të kohës.
Por më së shumti Elini trajtoi filmin-portret ndërmjet të cilit ajo ka “vizatuar” bashkëkohësit e saj, duke merituar e disa çmimeve në festivalet e filmit dokumentar.
( Marrë nga ATSH )
/ rtsh.al /