Pak minuta para nisjes së sfidës, kryeministri Edi Rama publikoi të hënën një foto të Papa Françeskut, i cili shihet se bën shqiponjën, simbolin shqiptar me duar, shenjë kjo mbështetje dhe kurajoje për skuadrën kuqezi. Kjo është sfida e tretë dhe e fundit e grupit B, në kuadër të finaleve të Kampionatit Europian 2024 për kombëtaren shqiptare.
Shqipëria do të luajë mbrëmjen e sotme në stadiumin “Dyseldorf Arena” sfidën vendimtare ndaj Spanjës, që do të vendosë për fatin e kuqezinjve në këtë rrugëtim në finalet e Kampionatit Europian 2024 që po mbahen në Gjermani.
/rtsh.al/
