Arkitektura islame bën përshtypje me madhështinë dhe dizajnin, me pllaka shumëngjyrëshe dhe forma komplekse gjeometrike.
Xhamia e Madhe Sheikh Zayed në Abu Dhabi është një ekzemplar madhështor i arkitekturës bashkëkohore islame, me 82 kupola dhe mbi 1000 kolona.
Xhamia Blu ose “Sultanahmet Camii” në Stamboll është e famshme për gjashtë minaret e saj dhe pllakat e bukura blu.
Xhamia e Madhe e Xi'an (Kinë)- Një nga xhamitë më të vjetra dhe më të famshme në Kinë, me një përzierje të stileve arkitekturore kineze dhe islame. Është më e vjetra dhe një nga xhamitë më të famshme në vend. Megjithatë, shumica e xhamisë së madhe të sotme në Xi'an u ndërtua gjatë dinastisë Ming dhe u zgjerua më tej gjatë dinastisë Qinq.
Xhamia e Shahut (Esfahan, Iran)- E njohur për mozaikët blu dhe akustikën e përsosur. Porta e ndërtesës është 30 metra e lartë dhe është e zbukuruar me mozaikë që paraqesin motive gjeometrike, floreale dhe kaligrafike, të rrethuara nga dy minare rreth 42 metra. Të gjitha muret e ndërtesës janë të dekoruara me pllaka mozaiku në shtatë ngjyra me një efekt optik të jashtëzakonshëm.
Xhamia Hassan II (Kasablanca, Marok)- Është xhamia e tretë më e madhe në botë, me minaren më të lartë në botë. E ndërtuar me urdhër të mbretit Hassan II, kushtoi rreth 500 milionë dollarë, financuar drejtpërdrejt nga paratë e popullit maroken.
Xhamia e Madhe e Kordovës (Spanjë)- E famshme për kolonat dhe harqet, xhamia përfaqëson një shembull unik të arkitekturës islame në Spanjë. Në mënyrë eklektike, ndërtuesit islamikë morën nga bizantinët idenë e mozaikëve, nga egjiptianët sallën me kolona, nga vizigotët harkun patkua, nga arkitektura romake harqet e mbivendosura që u frymëzuan nga palmat, kështu ndërtuan xhaminë e Kordovës si një tufë palmash prej guri.
Xhamia Nasir ol Molk (Shiraz, Iran)- E njohur si 'xhamia rozë' për shkak të ngjyrave të saj të ndezura dhe dritareve të bukura, Xhamia Nasir ol Molk është një nga xhamitë më të fotografuara dhe më elegante në Iranin jugor.
Xhamia e Shenjtë e Mekës (Al-Masjid al-Ḥarām)- E konsideruar si xhamia më e shenjtë në Islam, ajo mban Qaben. Gjatë Haxhit, ajo mund të strehojë deri në katër milionë njerëz. Struktura mbulon një sipërfaqe prej 356,800 metrash katrorë duke përfshirë hapësirat e jashtme dhe të brendshme të lutjes, duke e bërë atë një nga ndërtesat më të mëdha fetare në botë për nga sipërfaqja.
Xhamia Blu (Stamboll, Turqi)- E njohur botërisht si 'xhamia blu'. Emri i saj vjen nga 21,043 pllaka qeramike të ngulitura në mure dhe kube. Muret, kolonat dhe harqet janë të mbuluara me pllaka, të zbukuruara me tone që variojnë nga bluja në jeshile.
Xhamia e Madhe Sheikh Zayed (Abu-Dhabi)- Kjo xhami është një nga më të mëdhatë dhe më të bukurat në botë. Ajo mund të strehojë deri në 40,000 adhurues dhe është e famshme për dekorimet e saj të shkëlqyera në ar, gurë të çmuar, mermer dhe qeramikë. Arkitektura e xhamisë së madhe u frymëzua nga stilet persiane, mugule dhe maure. Në veçanti, forma e kupolës dhe planimetria e xhamisë ndjekin ato të xhamisë Hassan II në Casablanca (Marok).
/rtsh.al/
