William Ruto është shpallur fitues i zgjedhjeve presidenciale të Kenias. Ai mposhti me 50.5% të votave rivalin e tij Raila Odinga.
Zgjedhjet presidenciale u zhvilluara më datë 9 gusht 2022. Sipas Asociated Press vonesa e shpalljes së rezultatit zyrtar ka ardhur si rrjedhojë e trazirave dhe aludimeve për trukim rezultati nga ana e simpatizantëve të Odinga.
Katër nga shtatë anëtarët e komisionit zgjedhor kanë refuzuar të njohin zyrtarisht përfundimin e zgjedhjeve duke e cilësuar atë si “jo të qartë”.
Për William Ruto kjo ishte gara e tij e parë për postin e presidentit. 55 vjeçari ka shërbyer si zëvendës president i kombit për 10 vjet por nuk e përfundoi mirë aventurën e tij në këtë post prej faktit se ish shefi i tij presidenti në largim Uhuru Kenyatta deklaroi zyrtarisht mbështetjen e tij për rivalin e Rutos, raila Odinga, i cili garonte për herë të pestë për postin e presidentit.
Menjëherë pas shpalljes së rezultatit, simpatizantët e William Ruto kanë pushtuar rrugët e disa qyteteve në Kenia.
Kenia shihet si një vend relativisht demokratik dhe i qëndrueshëm në një rajon.
/rtsh.al/