Gazetari Arion Sulo në emisionin ‘3D nga Alban Dudushi’ në RTSH tha se në vitin 2025-së e shikon Partinë Demokratike në rritje.
Teksa e konsideron 2025 –ën një vit sfidues për PD-në , ai thekson se po ashtu do të jetë vit i rëndësishëm pasi gjatë 2024-ës kjo parti arriti të shmangë shpërbërjen dhe të rimarrë vetveten.
“Viti 2024 ishte një vit ku Partia Demokratike, si partia më e madhe e opozitës arriti që të shmangte shpërbërjen dhe pastaj të rimerrte vetveten. Dhe tani prej lirimit nga arresti i shtëpisë së liderit Sali Berisha të krijojë dhe të fillojë të flasë për platformën e saj elektorale të 2025-ës. Ajo që ndodhi gjatë këtij viti sigurisht ka lidhje me atë që ka filluar që në shtator të vitit 2021, pra me shpalljen Non Grata të Berishës. Viti 2025 është një vit sfidues për Partinë Demokratike, një vit i rëndësishëm. E shoh PD-në dhe opozitën në ngritje”, tha Sulo.
/rtsh.al/
