Në 17 gusht në qytetin e Vlorës vjen për të përformur një prej DJ më të famshëm në mbarë botën, Steve Aoki.
Me anë të një video në rrjetet e tij sociale ai ka lajmëruar të gjithë fansat e tij për shfaqjen e radhës teksa ka edhe një kërkesë për fansat nga Shqipëria. Aoki kërkon sugjerime prej tyre se cilën këngë shqiptare dëshirojnë që të luaj gjatë koncertit, por edhe sugjerime sa i përket ushqimit tradicional shqiptar.
DJ 47 vjeçar është me orgjinë Japoneze, por i lindur dhe rritur në Amerikë. Ai është gjithashtu edhe producent diskografik. Steve Aoki ka një karrierë të jashtëzakonshme me koncerte në të gjithë botën, si edhe numëron disa albume. Aoki ka bashkëpunuar me disa prej artistëve më të mirë në botë si Alan Walker, Linkin Park, Backstreet Boys, dhe shumë e shumë të tjerë. Steve Aoki njihet nga fansat e tij si DJ i cili elektrizon çdo vend ku shkon, gjatë koncertit ai krijon atmosferë jo vetëm me anë të ritmeve muzikore, por edhe duke hedhur tortë në drejtim të fansave te tij.
/ rtsh.al /
