Spanja dhe Koreja e Jugut janë midis vendeve të fundit që kanë deklaruar se do të evakuojnë qytetarët e tyre nga Libani në mes të përshkallëzimit të dhunës ndërkufitare dhe një inkursioni tokësor izraelit, me Seulin duke thënë se po punon për t'i sjellë ata në shtëpi.
Gjithashtu, Spanja planifikon të dërgojë dy avionë ushtarakë për të evakuuar rreth 350 qytetarë nga Libani.
“Aeroplanët spanjollë janë gati, stafi është gati, si gjithmonë me profesionalizmin e ushtrisë spanjolle”, tha ministrja spanjolle e Mbrojtjes Margarita Robles.
Një grup prej 350 shtetasish spanjollë të pranishëm në Liban kanë kërkuar të shkojnë në Spanjë.
Ndërkohë, presidenti i Koresë së Jugut, Yoon Suk Yeol, urdhëroi që avionët ushtarakë të vendosen menjëherë për të evakuuar qytetarët e saj nga Izraeli dhe pjesë të tjera të Lindjes së Mesme mes tensioneve të përshkallëzuara.
Ministria e Jashtme e Koresë së Jugut u bën thirrje qytetarëve të saj në Izrael dhe Liban që të largohen menjëherë me çdo mjet në dispozicion.
Të dhënat e qeverisë për vitin 2023 treguan se kishte 572 koreano-jugorë në Izrael, duke përfshirë banorë të përhershëm dhe mbajtës të pasaportave izraelite dhe 214 në Liban.
/rtsh.al/
