Avionët luftarakë holandezë F-35 kanë interceptuar tre avionë luftarakë rusë mbi Detin Balltik, duke shënuar incidentin e dytë ajror në këtë rajon në pak ditë, pas atij me avionët gjermanë që u regjistrua një javë më parë.
Ministri holandez i Mbrojtjes Ruben Brekelmans njoftoi të hënën përgjimin e tre avionëve rusë nga F-35 holandez mbi Balltik .
“Aeroplanët rusë të zbulimit dhe spiunazhit u shoqëruan. Krenar që forcat tona ajrore janë të gatshme të ruajnë hapësirën e përbashkët ajrore të NATO-s!”, tha ai në një postim në X.
Avionët holandezë i shoqëruan tre bombarduesit rusë nga distanca nëpër ujërat ndërkombëtare deri në kufirin e rajonit të përgjegjësisë së NATO-s.
Që nga dhjetori, avionët F-35 të Holandës kanë patrulluar kufirin lindor të NATO-s. Si pjesë e kësaj përpjekjeje, u aktivizua një paralajmërim për reagim të shpejtë, duke ngritur në ajër dy F-35 e vendosur në Estoni për të kapur avionë të paidentifikuar që i afroheshin hapësirës ajrore të NATO-s.
/rtsh.al/
