Rusia mund të ketë përdorur një lloj të ri bombë në sulmet ajrore në qytetin verilindor të Ukrainës, Harkiv. Kështu thonë autoritetet ukrainase, të cilat njoftuan se një person u vra nga sulmi i fundit. Zyrtarët thanë se 4 fëmijë, përfshirë një foshnjë 3 muajsh, ishin mes 19 personave të plagosur në Harkiv.
Presidenti ukrainas Volodimir Zelenski e quajti sulmin si "terror rus" ndërsa kreu i policisë rajonale tha se Moska mund të ketë përdorur një lloj të ri bombe. "Arma e re është diçka mes një bombe ajrore, që rusët kanë përdorur kohët e fundit dhe një rakete”, u shpreh Volodimir Timoshko.
Autoritete rajonale në Harkiv akuzuan Moskën se po testojnë bombat e tyre të modifikuara mbi banorët e Ukrainës. Rusia nuk u është përgjigjur akuzave të Kievit, por ajo gjithmonë mohon që civilët të jenë objektiv i sulmeve të tyre. Dy ndërtesa banimi dhe një institucion mjekësor u shkatërruan pjesërisht dhe 14 ndërtesa, përfshirë një objekt arsimor, u dëmtuan nga sulmi i fundit rus.
Gazetare: V. Zharri
/RTSH/
