Partia Socialiste ka tashmë 12 drejtuesit e rinj të qarqeve të vendit që do të çojnë partinë drejt zgjedhjeve të 2025. Ashtu siç pritej ka pasur rotacion në disa prej qarqeve, ndërsa është shtuar edhe një drejtues të politike që do të jetë i fokusuar pikërisht për diasporën, ku në zgjedhjet e pranverës së ardhshme do të mundësohet për herë të parë edhe vota e emigrantëve
Këtë post kryeministri Rama ia besoi Taulant Ballës, i cili nuk do të jetë më drejtues i qarkut Fier, dhe do ta pasojë në këtë post zv.kryeministren Belinda Balluku.
Pjesë e drejtimit politik të PS në qarqe janë bërë edhe ministrat e rinj në qeveri, ku në Elbasan është vendosur Arbjan Mazniku, duke zëvendësuar Damian Gjiknurin. Ndërsa në Dibër në vend të Ballukut është emëruar Blendi Gonxhe
Ndryshime ka edhe në Berat ku largohet Bledi Çuçi dhe vjen Ervin Demo. Çuçi shkon në Vlorë, ndërsa ikën Blendi Klosi, i cili do të mbajë postin e Sekretarit të Përgjithshëm të PS. Shkodra i besohet Benet Beci, ku Elisa Spiropali largohet për t’u vendosur në qarkun Tiranë.
Në Tiranë si pasojë e numrit të lartë të deputetëve që nxjerr qarku do të drejtohet nga Elisa Spiropali, Erion veliaj dhe Ogerta Manastirliu. Ndërsa drejtuesit e tjerë të qarqeve janë konfirmuar në detyrën e tyre si Lezha, Kukësi, Korça dhe Gjirokastra.
Të gjitha këto ndryshime për kryesocialistin Rama vijojnë si pjesë e përpjekjeve dhe organizmit të ri për arritjen e fitores së një mandati të 4 qeverisës.
“Do behet një platformë e hapur për këtë që do të na afrohet dhe të bëhet pjesë e një gare të vërtetë. Duhet angazhim fizik dhe shpirtëror e politik që do matet në territor dhe për ta çuar PS te njerëzit. PS do jetë një skuadër e gjerë individësh që do gjejnë rrugën dhe vendin ku mund të shërbejnë për ta bërë më të mirë Shqipërinë. Të gjithë deputetëve aktual u them se cilido prej jush që dëshiron një mandat tjetër e ka në dorë ta marrë duke punuar në këtë sezon politik më shumë se tre vitet e fundit të marra së bashku. Secili prej jush niset menjë avantazh të madh krahasuar me të rinjtë në fushën e betejës, por sot gjithkush duhet ta konsiderojë si ditën e parë dhe t’i harrojë të gjitha plagët dhe trimëritë e betejave e fitoreve të mëparshme dhe të gjithë të mos merremi me çfarë i kemi dhënë skuadrës më parë por të punojnë vetëm për të bërë atë që nuk kemi bërë deri tani. Kjo vlen për të gjithë nga deputetët, te ata që janë qeveri dhe deri drejtuesit e ri të qarqeve”, tha Rama.
Drejtuesit politik të PS në qarqe
Tiranë- Elisa Spiropali, Erion Veliaj dhe Ogerta Manastirliu
Durrës-Emirjana Sako
Shkodër-Benet Beci
Lezhë-Ulsi Manja
Kukës-Pandeli Majko
Dibër-Blendi Gonxhe
Elbasan-Arbian Mazniku
Fier-Belinda Balluku
Korçë-Niko Peleshi
Gjirokastër-Mirela Kumbaro
Berat-Ervin Demo
Vlorë-Bledi Çuçi
Shtohet drejtues i ri politik për diasporën-Taulant Balla
Asambleja Kombëtare e PS
Kryetar i Asamblesë - Blendi Klosi
Nënkryetar të Asamblesë - Ilva Gjuzi dhe Besa Spahon
Sekretar i Asamblesë - Onit Beleri
Sekretariati ekzekutiv i partisë
Sekretar i Përgjithshëm- Blendi Klosi
Sekretari i organizmit dhe zgjedhjeve- Damian Gjiknuri
Sekretare e gruas –Evis Kushi
Sekretare e Programit – Milva Ekonomi
Sekretare për Diasporën – Zerina Bruçi
Sekretare e Marrëdhënieve ndërkombëtare - Romina Kuko
Sekretari i rinisë – Roi Bashaj
/rtsh.al/
