Thatësira e tej zgjatur e këtij viti, duket se ka ndikuar edhe te kultura bujqësore e ullirit në Lezhë. Në fshatin Troshan një ndër zonat e njohura për kultivimin e këtij produkti, prodhimi është më i ulet se vitet e tjera. Fermerët thonë se mungesa e vaditjes ka ndikuar në këtë drejtim.
Teksa sipërfaqet me ullinj në Troshan po vinë gjithnjë në rritje gjatë viteve të fundit dhe çmimi i shitjes varion nga 700 deri në 1 mijë lek litri, problem mbetet edhe mungesa e fuqisë punëtore për vjeljen e ullirit.
Kultivimi i ullirit në Troshan është një traditë e hershme, ku numërohen dhjetëra hektarë tokë të mbjella me këtë bimë, Bashkia Lezhë bën me dije se po punohet për hartimin e një projekti për të mundësuar vaditjen në këtë fshat, ku pjesa më e madhe e banoreve merren me bujqësi.
/rtsh.a/
