Peshkaqenët në brigjet e Brazilit kanë rezultuar pozitivë për kokainë, thonë shkencëtarët. Biologët detarë testuan 13 peshkaqenë brazilianë të marrë nga brigjet afër Rio de Zhaneiros dhe zbuluan se ata testuan për nivele të larta kokaine në muskujt dhe mëlçinë e tyre.
Përqendrimet ishin deri në 100 herë më të larta se sa ishte raportuar më parë për krijesat e tjera ujore.
Hulumtimi, i kryer nga Fondacioni Oswaldo Cruz, është i pari që zbulon praninë e kokainës në peshkaqenë.
Ekspertët besojnë se kokaina po hyn në ujëra nëpërmjet laboratorëve të paligjshëm ku prodhohet droga. Ngarkesat e kokainës të hedhura nga trafikantët në det mund të jenë gjithashtu një burim, thonë studiuesit.
Sara Novais, një eko-toksikologe detare në Qendrën e Shkencave Detare dhe Mjedisore të Universitetit Politeknik të Leiria, tha se gjetjet janë "shumë të rëndësishme dhe potencialisht shqetësuese".
Kërkohen kërkime të mëtejshme për të vërtetuar nëse kokaina po ndryshon sjelljen e peshkaqenëve.
/rtsh.al/
