Komisioni hetimor lidhur me koncesionin e Sterilizimit dhe Check-up në Shëndetësi ka mbajtur seancën e radhës, ku dhe pse parashikohej të miratohej vetëm rendi i ditës lidhur me caktim e ekspertëve dhe kërkesave për informacion, në fakt është zhvilluar me përplasje mes opozitës dhe mazhorancës.
Debati nisi ku kryetarja e komisionit hetimor, Albana Vokshi kërkoi që anëtarët të firmosin një deklaratë të konflikt të interesit, gjë që nuk u pranua nga mazhoranca me argumentin se kjo nuk ishte pikë e rendit të ditës dhe se “Vokshi nuk mund të shkel rendin e ditës që është vendosur nga vetë ajo”.
Vokshi tha se ky dokument është procedurë normale në mënyrë që të gjithë anëtarët e komisionit të mos kenë konflikt interesi për hetimin e koncesioneve të dhëna në Shëndetësi.
Për nënkryetarin Plarent Ndreca, kryetarja e komisionit nuk po i përmbahet rendit të ditës se dhe mazhoranca nuk ka ardhur këtu për të dëgjuar ligjërata e opozitës.
Teksa mazhoranca e akuzon se po bën deklarata politike, Vokshi thotë se ajo po flet vetëm për procedurë.
Debatet në komision
Vokshi: Është shumë e rëndësishme që anëtarët e këtij komisioni të mos jenë nën konflikt interesi dhe të mos kemi askënd këtu që ne dhe publiku të mund të aludojë se do të pengojë punimet e këtij komisioni hetimor. Për të qenë të qetë të firmosim deklaratën për konfliktin e interesit, kjo është procedurë parlamentare.
Ndreca: Zbatoni ligjin se po shkelni detyrën. Ka një rend dite që është hartuar nga ju dhe nuk mund të bëni asnjë veprim jashtë këtij rendi të ditës që ju e keni propozuar. Ne nuk kemi ardhur për mbledhje por për të dëgjuar fjalët e PD.
Vokshi: Do refuzoni deklaratën?
Ndreca: Jo do refuzojmë këtë pikë që ju sapo shtuat ne jemi kundër në këtë moment për këtë pikë ne nuk kemi plan hetimi, nuk dimë se çfarë do hetojmë
Vokshi: Planin e hetimit jua kam dërguar
Ndreca: Ngrini dorën te gjithë, ne votuam kundër.
Vokshi: Kjo është qesharake. Zoti Ndreca jeni deputet i ri dhe saj keni marrë dorën ende siç janë keni marrë dorën në administratën ku keni qenë. Zoti Ndreca jeni në konflikt interesi dhe nuk firmosin deklaratën, por shkel edhe procedurën duke hedhur procedurën në votim a thua se kryetarja nuk ekziston, jeni non sens.
Ndreca: Je ne drejtim të paditur, nuk ka lidhje me rendin e ditës
Pas debateve firmosja e deklaratës së konfliktit të interesit u hodh për votim për t’u futur në rendin e ditës, por u rrëzua me votat e mazhorancës. 8 votat e anëtarëve socialistë ishin kundër futjes në rend dite të formularit për konfliktin e interesit, kundrejt 7 votave pro të opozitës.
Gjithashtu Komisioni Hetimor për Shëndetësinë caktoi edhe 4 ekspertët e komisionit, konkretisht: dy nga Rithemelimi Franci Nuri dhe Meri Lika, dy nga PS Bledar Skënderi dhe Ermir Bejtja.
/rtsh.al/
