Organizata e Kombeve të Bashkuara ka bërë të ditur se Izraeli është duke vendosur kufizime të paligjshme në ndihmën për Gazën, pavarësisht se po përballet me presion në rritje për të lejuar më shumë furnizime humanitare.
Ravina Shamdasani, zëdhënëse e zyrës së OKB-së për të drejtat e njeriut, thotë se Izraeli po kryen “shkatërrim të gjerë të infrastrukturës civile”.
Ministria e Shëndetësisë e drejtuar nga Hamasi thotë se të paktën 33,843 palestinezë në Gazë janë vrarë që nga tetori.
Numri përfshin të paktën 46 të vdekur gjatë 24 orëve të fundit, thotë një deklaratë e ministrisë, duke shtuar se 76,575 njerëz janë plagosur në Rripin e Gazës.
/rtsh.al/
