Meteorologët së shpejti do të jenë në gjendje të shohin në kohë reale ndryshimet e motit, fal një satelit që NASA ka nisur në hapësirë pikërisht për të monitoruar shtrëngatat dhe stuhitë diellore të cilat vijojnë të rriten.
NASA dhe Administrata Kombëtare Oqeanike dhe Atmosferike, nisën në hapësirë satelitin e motit GOES-U, (Gjeostacionar Operativ Mjedisor Satelitor U) përmes një rakete SpaceX Falcon Heavy nga Qendra Hapësinore Kennedy në Florida.
GOES-U është sateliti i katërt, i fundit në Serinë R të Satelitëve Mjedisor Operacional Gjeostacionar, sistemi më i sofistikuar për vëzhgimin e motit dhe monitorimin e mjedisit të hemisferës perëndimore.
"Seria e satelitëve GOES-R ka qenë një ndryshim i lojës për ne. Që nga fillimi i parë i serisë në 2016, gjenerata e fundit e GOES ka mundësuar parashikime dhe shërbime paralajmëruese të reja dhe të përmirësuara për të ndihmuar në shpëtimin e jetëve", tha Ken Graham, drejtor i Shërbimit Kombëtar të Motit të NOAA.
Sateliti GOES-U së bashku me satelitët e tjerë në hapësirë do të mbledhin të dhëna atmosferike, diellore, klimatike dhe oqeanike dhe do të mbulojnë më shumë se gjysmën e globit nga bregu perëndimor i Afrikës deri në Zelandën e Re.
/rtsh.al/