Si pasojë e motit të keq, shoqëruar me erë të fortë, është pezulluar lundrimi i trageteve të linjës Durrës-Bari dhe anasjelltas.
Sipas njoftimit të Kapitenerisë së Portit të Durrësit, dallgëzimi në det të hapur shkon nga 7 deri në 8 ballë, duke çuar në vendimin për pezullimin e lundrimeve.
Lundrimet e kësaj linje do të rifillojnë ditën e nesërme (15 mars). Ndërkohë, trageti Af Mia i linjës Ancona-Durrës-Ancona mbërrin në orar dhe niset sipas grafikut.
/rtsh.al/
