Moldavia i është përgjigjur me "po" pyetjes së një referendumi mbarëpopullor nëse duhet të jetë pjesë e Bashkimit Europian.
I gjithë procesi para votimit u shoqërua me debate të ashpra dhe pati pretendime nga zëdhënësit e BE-së se Rusia ndërhyri me një fushatë "intimiduese" dhe çorientuese.
Të hënën, autoriteti zgjedhor njoftoi se 50,39 për qind e votuesve u shprehën në favor të anëtarësimit në BE, ndërsa "jo" u përgjigjën 49,61 për qind e pjesëmarrësve.
Referendumi u mbajt ndërkohë që presidentja Maia Sandu po kërkon një mandat tjetër. Kryetarja e shtetit akuzoi se "liritë dhe demokracia e vendit tonë janë nën një sulm të paprecedentë". Vetëm pak orë më parë rezultatet e pjesshme tregonin se 55–57 për qind e moldavëve nuk dëshironin t'i bashkoheshin familjes së BE-së.
Në garën presidenciale, kur janë numëruar mbi 97,7 për qind e votave, presidentja Sandu siguroi 41,91 për qind të votave.
Më 3 nëntor ajo do të përballet në balotazh me rivalin kryesor, ish-kryeprokurorin Aleksandër Stoianoglo (o. Alesandr), i cili të dielën mori 26,32 për qind të votave. Stoianoglo është shprehur se ai do të ndërtonte një politikë të jashtme "të balancuar" me lidhje me BE-në, Shtetet e Bashkuara të Amerikës, Rusinë dhe Kinën. /AJ
/rtsh.al/