Mbrëmjen e sotme, 16 nëntor, skena e “Junior Eurovision 2024” do të shndërrohet në një arenë magjike për talentet e rinj të Europës, dhe një nga yjet që do ngjitet është edhe 12-vjeçarja shqiptare, Nikol Çabeli.
Ajo do të ngjitet në skenën e madhe në Madrid, ku do të performojë me këngën e saj “Vallëzoj”, duke përcjellë mesazhin e fuqishëm të dashurisë ndaj natyrës dhe harmoninë e jetës.
Votimi është hapur nga ora 21:00 e 15 nëntorit dhe do të vijojë gjatë gjithë ditës së sotme, 16 nëntor, deri pak minuta para nisjes së festivalit në orën 18.00. Nikol Çalebi do të performojë e treta, duke mbajtur kodin e votimit 03. Shqiptarët nga e gjithë bota mund të votojnë online në linkun JESC.TV , për të mbështetur 12-vjeçaren që do të përfaqësojë Shqipërinë.
Këtë vit “Junior Eurovision 2024” do të zhvillohet në stadiumin “Caja Magica” në Madrid të Spanjës, ku 17 të rinj të talentuar do të ndezin skenën me performancat dhe zërin e tyre.
/rtsh.al/
