Rusia ka dënuar një 22-vjeçar britanik me 19 vjet burg pasi akuzohet se ka luftuar për Ukrainën. Referuar vendimit të gjykatës ruse britaniku është kapur duke luftuar për Ukrainën në ofensivën e Kievit kundër rajonit kufitar të Rusisë, Kursk.
Sipas shërbimit për mediat i gjykatës për qytetin e Kursk theksohet se James Scott Rhys Anderson, 22 vjeç, u shpall fajtor për një “akt terrorist” dhe ka vepruar si mercenar pasi u kap ndërsa luftonte në nëntor krah ushtrisë ukrainase.
Gjykata e Kurskut publikoi videon e Andersonit duke u çuar në gjykatë me pranga i veshur me një kapele dimërore dhe xhaketë që dukej si uniformë burgu.
Anderson, nga qyteti anglez Banbury, ka folur në disa video të filmuara nga zyrtarët rusë pasi u kap rob, duke thënë se ai shkoi të luftonte për Legjionin Ndërkombëtar të Ukrainës pasi u shkarkua nga ushtria britanike, transmeton France 24.
Britaniku iu tha nga gjykata se do t'i kalonte pesë vitet e para të dënimit në një burg -- ku kushtet janë më të këqija se në një koloni penale. Më pas ai do të transferohet në një koloni penale me kushte “të rrepta”.
/rtsh.al/
