Ushtria izraelite ka bërë të ditur se për një “pauzë taktike” të aktivitetit ushtarak në Gazën jugore për të lejuar shpërndarjen e ndihmave, por ka njoftuar se luftimet rreth Rafahut në Gazën jugore nuk do të ndalen.
Pauza filloi të shtunën dhe do të zhvillohet çdo ditë nga ora 08:00 deri në orën 19:00. Përgjatë kësaj kohe do të lejohen që kamionët të lëvizin nga Kalimi Kerem Shalom, pika kryesore e hyrjes për ndihmën hyrëse në Gazën jugore, deri në rrugën Salah al-Din dhe në veri.
Fushata e Izraelit në Gaza ka shkaktuar krizë humanitare. Pengesa është krijuar në Kerem Shalom mes sulmeve ajrore dhe luftimeve në pjesën më të madhe të Gazës jugore.
IDF ka caktuar një rrugë nga Kerem Shalom në Al Bayuk dhe në Spitalin Evropian në Khan Younis që të jetë e hapur gjatë ditës vetëm për transportin e ndihmave humanitare, ku do të drejtohet në koordinim me organizatat ndërkombëtare.
Pas njoftimit Forcat e Mbrojtjes të Izraelit (IDF) thanë se "luftimet në Rafah vazhdojnë", duke shtuar "nuk ka asnjë ndryshim në hyrjen e mallrave në Rrip".
Luftimet e ashpra që po zhvillohen në Rafah ndërsa Izraeli kërkon të shkatërrojë Hamasin në Gaza vazhduan të dielën, me një zyrtar të mbrojtjes civile në Gaza duke thënë për CNN se përleshjet e rënda po vazhdojnë në lagjet e Rafahut perëndimor.
/rtsh.al/
