I gjithë kabineti i Koresë së Jugut ka ofruar dorëheqjen, pas përpjekjes së dështuar të presidentit Yoon Suk Yeol për të vendosur ligjin e luftës në vend.
Sipas transmetuesit KBS, kabineti ka ofruar dorëheqje pasi paraprakisht stafi i lartë presidencial dorëzoi dorëheqje kolektive.
Këtë mëngjes, Zyra Presidenciale njoftoi dorëheqjen masive të shefit të kabinetit dhe sekretarëve.
Kryeministri Han Duck-soo u zotua se do të vazhdojë t’u shërbejë njerëzve pasi urdhri i ligjit ushtarak u hoq brenda natës.
Dorëheqjet vijnë pas deklaratës së paprecedentë të ligjit të luftës, që u rrëzua shpejt nga parlamenti duke krijuar turbulenca të theksuara politike në Korenë e Jugut.
Në një mbledhje të kabinetit, të kryesuar nga kryeministri Han Duck-soo, u miratua rezoluta, pasi Yoon u tërhoq nga vendimi i tij për të vendosur ligjin e luftës, i cili ishte refuzuar nga shumica e ligjvënësve.
Sipas ATSH
/ rtsh.al /
