Çdo 16 prill shumë shqiptarë të Kosovës rikthehen në Kukës, për të përkujtuar eksodin biblik të 99-tës, ku gjetën mikpritjen bujarinë dhe zemrën e hapur për ta.
Me një koncert festiv në sheshin “Skëndërbej” të qytetit, pjesë e këtij përkujtimi ishin Ambasadori i Shqipërisë në Kosovë Petrit Malaj, kryebashkiaku Albert Halilaj dhe kryetari i shoqatës “Eksod 99” Mustafë Kryeziu të cilët Kukësin, e cilësuan si vendin e mikpritjes dhe humanizmit shqiptar.
Në këtë aktivitet morën pjesë edhe rapsodët e Lumës, si dhe këngëtarët e mirënjohur Liri Rasha e Arben Gjeloshi.
Ky koncert festiv u organizua nga shoqata “Eksodi ‘99” me mbështetjen e Bashkisë Kukës.
RTSH
