“Një armëpushim pesë-vjeçar me Izraelin, së bashku me dorëzimin e armëve nëse krijohet një shtet palestinez i bazuar në kufijtë e para vitit 1967, kështu ka propozuar, Khalil Al Hayya, një zyrtar i lartë politik i Hamasit i cili ka përfaqësuar militantët palestinezë në negociatat për një armëpushim dhe shkëmbim pengjesh.
Komentet e Khalil al-Hayya në një intervistë për Associated Press erdhën mes një ngërçi në muajt e fundit të bisedimeve për armëpushim .
“Gjithë përvojat e njerëzve që luftuan kundër pushtuesit, kur u pavarësuan dhe fituan të drejtat dhe shtetin e tyre, çfarë kanë bërë këto forca? Ata janë kthyer në parti politike dhe forcat e tyre luftarake mbrojtëse janë kthyer në ushtri kombëtare”, tha ai.
Por nuk ka gjasa që Izraeli ta konsiderojë një skenar të tillë pasi ajo është zotuar të sulmojë Hamasin pas sulmeve vdekjeprurëse të 7 tetorit që shkaktuan luftën dhe lidershipi i saj aktual është me vendosmëri kundër krijimit të një shteti palestinez në tokat e pushtuara nga Izraeli në luftën e Lindjes së Mesme të vitit 1967.
Autoriteti Palestinez shpreson të krijojë një shtet të pavarur në Bregun Perëndimor, Jerusalemin lindor dhe Gaza – zona të pushtuara nga Izraeli në luftën e Lindjes së Mesme të vitit 1967. Ndërsa komuniteti ndërkombëtar e mbështet në masë të madhe një zgjidhje të tillë me dy shtete, qeveria e vijës së ashpër të kryeministrit izraelit Benjamin Netanyahu e kundërshton atë.
Lufta në Gaza është zvarritur për gati shtatë muaj dhe negociatat për armëpushim kanë ngecur. Lufta filloi me sulmin vdekjeprurës të 7 tetorit në Izraelin jugor, në të cilin militantët e udhëhequr nga Hamas vranë rreth 1200 njerëz, kryesisht civilë. Bombardimet izraelite dhe ofensiva tokësore që pasuan në Gaza kanë vrarë më shumë se 34,000 palestinezë, shumica prej tyre gra dhe fëmijë , sipas autoriteteve lokale shëndetësore , dhe kanë zhvendosur rreth 80% të popullsisë prej 2.3 milionë banorësh të Gazës.
/rtsh.al/
