Besimtarët ortodoksë në të gjithë Shqipërinë kremtuan ngjalljen e Jezu Krishtit në meshën e Pashkëve duke hyrë e diela (5 maj).
Besimtarët ortodoksë në mbarë vendin kremtuan në mesnatë ngjalljen e Krishtit në Meshën e Pashkëve, dita më e rëndësishme në kalendarin festiv të krishterë.
Në Tiranë mesha u mbajt në Katedralen “Ngjallja e Krishtit” dhe u drejtua nga kryepeshkopi Anastas Janullatos, i cili mbajti liturgjinë e shenjtë që u ndoq nga qindra besimtarë.
Kryepeshkopi dha mesazhet e tij për besimtarëve ortodoksë në momentin e ringjalljes së Jezu Krishtit, tri ditë pas vdekjes i kryqëzuar, me shpresën se besimtarët do të mund të marrin dritë nga drita e Perëndisë.
Të krishterët në Festën e Pashkës kremtojnë ringjalljen e Krishtit, moment ky që simbolizon rilindjen e shpresës, forcimin e besimit tek Zoti për të gjithë besimtarët, kalimin nga e përkohshmja në të përjetshmen dhe çlirimin e njerëzve nga mëkati.
/rtsh/