Kompanitë në mbarë botën mund të luajnë me idenë e zbatimit të javëve më të shkurtra të punës, por në Greqi punonjësve u është thënë se, tani e tutje, ata mund të bëjnë një ditë të gjashtë të punës në një hap jo ortodoks që synon produktivitetin “turbocharging”, shkruan “The Guardian”.
“Turbocharging” është një metodë për të rritur fuqinë dhe efikasitetin. Qeveria pro-biznesit thotë se masa është e nevojshme për shkak të zvogëlimit të popullsisë dhe mungesës së punëtorëve të kualifikuar.
Pasi i tejkaloi vendet e tjera evropiane, për sa i përket rritjes ekonomike, vendi dikur në krizën më të keqe financiare të kontinentit ka kundërshtuar sërish trendin, duke futur një javë pune 48-orëshe.
Masa, e cilësuar si “barbare” nga sindikatat, hyn në fuqi nga e hëna.
“Nuk ka asnjë kuptim. Kur pothuajse çdo vend tjetër i civilizuar po miraton një javë katërditore, Greqia vendos të shkojë në anën e kundërt”, tha Akis Sotiropoulos, një anëtar i komitetit ekzekutiv të sindikatës së nëpunësve civilë “Adedy”.
Qeveria pro-biznesit e kryeministrit, Kyriakos Mitsotakis, tha se nisma u bë e nevojshme nga rreziqet e dyfishta të një popullsie në tkurrje dhe mungesa e punëtorëve të kualifikuar.
Përpara shpalljes së legjislacionit, pjesë e një grupi më të gjerë ligjesh të punës të miratuar vitin e kaluar, Mitsotakis e përshkroi ndryshimin e parashikuar demografik si një “bombë me sahat”.
Në një eksod të paprecedentë, rreth 500,000 grekë, kryesisht të rinj të arsimuar, vlerësohet të kenë emigruar që nga kriza e borxhit afër dekadës që shpërtheu në fund të vitit 2009.
“Skema gjashtë-ditore, do të zbatohet vetëm për bizneset private që ofrojnë shërbime gjatë gjithë kohës”, thanë zyrtarët.
Sipas javës së zgjatur të punës, stafi në industri dhe objekte prodhuese të zgjedhura do të ketë mundësinë të punojë dy orë shtesë në ditë ose një turn shtesë tetë orësh, duke u shpërblyer me një tarifë shtesë prej 40% në pagën ditore të shtuar.
Secila prej zgjedhjeve, pretendon qeveria e qendrës së djathtë, do të zgjidhë çështjen e mospagimit të punonjësve për orët jashtë orarit, duke trajtuar gjithashtu problemin e përhapur të punës së padeklaruar.
“Bërthama e këtij legjislacioni është miqësore me punëtorët, është thellësisht e orientuar drejt rritjes ekonomike”, tha Mitsotakis përpara se parlamenti grek të miratonte ligjin.
/ rtsh.al /
