Në fshatin Gjorm të Kurbinit, i njohur për plantacionet e mbjella me ullinj, gjendet 42- vjeçari Gazmir Rama.
Ai ka disa vite që është kthyer nga emigrimi, dhe përvojën e fituar nga puna atje, vendosi ta shfrytëzojë në vendlindje ku ka tokën dhe familjen.
Çdo ditë e gjen duke u kujdesur për fidanët dhe pemët por siç thotë shërbimi nuk bëhet vetëm për përfitimin e të ardhurave duke shkuar përtej saj, te lidhja që krijohet me tokën dhe bimën.
Në plantacionin e tij ka disa lloje varietetesh të ullirit, ndërsa kujdeset të shtojë sipërfaqet me fidanët e rinj.
Duarartë dhe plot dëshirë për t’i dhënë jetë tokës, Gazmiri ka ngritur një vresht të vogël rrethuar me dru arrorë, por nuk mungojnë as shegët apo thanat.
