Kjo fundjavë duket e qetë sa i përket lëvizjes së automjeteve në pikën kufitare të Morinit.
Një prej arsyeve kryesore është muaji i Ramazanit, gjatë të cilit udhëtimet janë më të reduktuara.
Lëvizjet kryesore këtë të shtunë vijnë nga Shqipëria drejt Kosovës, kryesisht nga banorët e Kukësit.
Gjatë 24 orëve të fundit, në këtë pikë kufitare kanë hyrë dhe dalë mbi 9 mijë persona dhe 5,400 automjete.
Ndërkohë vijon kontrolli i automjeteve në përputhje me marrëveshjen e re, e cila ka hyrë në fuqi më 1 mars.
/rtsh.al/
