Holanda ka arritur në çerekfinalen e saj të parë të Kampionatit Evropian në 16 vjet me një fitore 3-0 ndaj Rumanisë të martën.
Cody Gakpo hapi ndeshjen në minutën e 20-të, ndërsa Donyell Malen shënoi dy gola në minutat e fundit të sfidës duke dërguar holandezët në çerekfinalen e tyre të parë në një turne që nga viti 2008.
Holandezët humbën një sërë mundësish gjatë ndeshjes.
Megjithatë, ishte një paraqitje më e përmirësuar në krahasim me paraqitjen zhgënjyese të fazës së grupeve, e cila përfundoi në një humbje 3-2 ndaj Austrisë.
Holanda mund të hakmerret ndaj Austrisë nëse kjo e fundit do të fitojë sot në mbrëmje ndaj Turqisë.
Goli i parë u dha besim holandezëve ndërsa patën disa raste për të rritur epërsinë. Tulipanët iu afruan edhe më shumë dyfishimit të shifrave në pjesën e parë por pa rezultat.
Nga ana e saj, Rumania u përpoq të barazonte rezultati por nuk arriti dot ndërsa portokallinjtë ishin më kërkues duke arritur të shënojnë edhe 2 herë në minutat e fundit duke kaluar më tej për në çerekfinale ku do të gjejnë Turqinë ose Austrinë.
/rtsh.al/