Dy të miturit, që humbën jetën tragjikisht në Liqenin e Prushit, si pasojë e mbytjes, mësohet se janë vëllezër, përkatësisht M. T., 14 vjeç dhe K. T., 10 vjeç
Ata ishin futur në liqen së bashku me 4 shokë të tjerë. Në fillim ka ngelur njëri prej vëllezërve brenda ujit, ndërsa tjetri është kthye për ta shpëtuar. Por fatkeqsisht u mbytën të dy.
Pak më parë polumbarët bënë të mundur dhe nxjerrjen e trupave të tyre të pajetë nga ujërat e liqenit. Grupi hetimor pritet të zbardhë dhe dinamikën e kësaj ngjarjeje.
Njoftimi i plotë i policisë
Tiranë/Informacion shtesë
Në vijim të informacionit paraprak, i cili bënte fjalë për mbytjen e dy të miturve, në liqenin e Prushit, ju informojmë se:
Si rezultat i kërkimeve të kryera nga Polumbarët e Reneas u bë e mundur gjetja e trupave të pajetë të miturve M. T., 14 vjeç dhe K. T., 10 vjeç (vëllezër).
Grupi hetimor po punon për sqarimin e rrethanave të ngjarjes.
/rtsh.al/
