Britney Spears ka folur për herë të parë që kur bashkëshorti i saj, Sam Asghari, njoftoi ndarjen e tyre, duke thënë se "nuk mund ta duronte më dhimbjen".
Asghari, 29 vjeç, përmendi "dallimet e papajtueshme" në një kërkesë divorci të paraqitur në Los Anxhelos të mërkurën. Ai kërkon që mbështetja bashkëshortore dhe pagesa e tarifave ligjore të paguhen nga zonja Spears, thuhet në dokumente.
Zonja Spears, 41 vjeç, tha se ishte "pak e tronditur" që lidhja e saj gjashtëvjeçare me Asghari kishte marrë fund. Duke diskutuar ndarjen e tyre në një postim në Instagram, këngëtarja shkroi: “Nuk jam këtu për të shpjeguar pse, sepse sinqerisht nuk është punë e askujt”.
“Instagrami im mund të duket i përsosur, por është larg realitetit dhe mendoj se të gjithë e dimë këtë”,- shtoi ajo.
"Do të doja të tregoja emocionet dhe lotët e mi se si ndihem vërtet, por për disa arsye më është dashur gjithmonë të fsheh dobësitë e mia."
Zonja Spears tha se ajo do të ishte "aq e fortë sa mundet".
Asghari, një aktor, model dhe trajner fitnesi iranio-amerikan, u takua me zonjën Spears ndërsa ajo po xhironte videon për këngën e saj Slumber Party në 2016.
Çifti u fejua në shtator 2021 dhe u martuan në një ceremoni të vogël qershorin e kaluar. Thashethemet për betejat e tyre martesore u raportuan në tabloidet amerikane këtë vit. Të dy së fundmi ishin parë pa unazat e martesës në publik.
Në postimin e tij në Instagram, Asghari tha: “Pas 6 vitesh dashuri dhe përkushtimi ndaj njëri-tjetrit, unë dhe gruaja ime kemi vendosur t'i japim fund rrugëtimit tonë së bashku.
"Ne do të mbajmë dashurinë dhe respektin që kemi për njëri-tjetrin dhe i uroj asaj gjithmonë më të mirën." BBC
/rtsh.al/
