Komisioni Evropian pritet të shtyjë datën e planifikuar të publikimit të udhërrëfyesit të tij për heqjen graduale të varësisë ndaj karburanteve, duke përfshirë gazin natyror të lëngshëm (LNG).
Organi ekzekutiv i bllokut mund të paraqesë planin më 26 mars, një muaj më vonë se sa ishte planifikuar fillimisht.
Udhërrëfyesi pritet të përshkruajë hapat e nevojshëm që vendet anëtare të Bashkimit Evropian të eliminojnë plotësisht varësinë e tyre nga karburanti rus.
Kjo përpjekje është pjesë e masave më të gjera që synojnë ndërprerjen e fondeve për pushtimin e Ukrainës nga Rusia.
Pasi flukset e tubacioneve nëpërmjet Ukrainës u ndërprenë në fund të vitit të kaluar, LNG nga Moska mbetet një nga vartësitë kryesore të energjisë së Evropës.
Vitin e kaluar, BE bleu sasi të paprecedentë LNG nga Rusia, me Francën, Spanjën dhe Belgjikën që ishin importuesit kryesorë. Disa vende të BE-së ende blejnë karburant bërthamor nga Rusia.
Komisioni Evropian do të vazhdojë negociatat me Ukrainën për furnizimin me gaz natyror në Evropë dhe do të përfshijë Hungarinë dhe Sllovakinë në këto diskutime.
Në mëngjesin e 1 janarit, Ukraina ndaloi tranzitin e gazit rus. Sistemi i transmetimit të gazit tani funksionon pa flukse tranzite.
/rtsh.al/
