Ministri i Brendshëm , Taulant Balla ka reaguar lidhur me arrestimin e Sulejman Kapllanit, 68 vjeçarit që dyshohet plagosi me armë zjarri Selami Brahimin në Shkodër 2 ditë më parë.
Gjithashtu Balla duke vlerësuar dhe bashkëpunimin e shkëlqyer të Interpol Tirana dhe Interpol Ëiesbaden dhe Prokurorisë së Jurisdiksionit të Përgjithshëm Shkodër që i dyshuari ëshë arrestuar në Gjermani.
Ministria në një reagim në rrjetet sociale u shpreh se do të nisin procedurat për ekstradimin e tij duke theksuar se po përgatiten marrëveshje ekstradimi edhe për shumë të kërkuar shqiptarë që strehohen në vende në të cilat Shqipëria nuk ka marrëveshje ekstradimi.
“Dita-ditës po konsolidohet bashkëpunimi i Interpol Tiranës me agjencitë partnere për shkëmbimin e informacionit me qëllim gjurmimin, lokalizimin dhe kapjen e personave në kërkim ndërkombëtar. Ky bashkëpunim po zgjerohet edhe me vendet ku më parë s’kemi pasur marrëveshje ekstradimi, me ato vende që deri tashmë kanë shërbyer si vende të “sigurta” për shumë të kërkuar.”shprehet Balla.
Përgëzoj Interpol Tiranën dhe strukturat e Policisë së Shtetit në të gjitha nivelet, thekson ministri Balla,për operacionet e njëpasnjëshme, për kapjen e personave të shpallur në kërkim dhe ekstradimin e tyre drejt vendeve ku ata kanë kryer veprimtarinë kriminale.
“Vetëm gjatë 40 ditëve të para të këtij viti, janë zhvilluar 20 operacione nga Interpol Tirana dhe strukturat e Policisë së Shtetit, dhe koordinimi i vazhdueshëm me partnerët, ka lokalizuar, kapur dhe vënë në pranga në disa qarqe të vendit 20 të kërkuar në nivel ndërkombëtar”, e mbyll reagimin e tij ministri Balla.
/rtsh.al/
