Shtetet e Bashkuara të Amerikës duhet të veprojnë urgjentisht dhe të pezullojnë të drejtat e pronësisë intelektuale lidhur me vaksinat antiCovid-19 në mënyrë që të forcojë fushatën e vaksinimi botëror, është apeli ndaj presidentit amerikan Joe Biden, i inicuar nga nga 175 ish-kryeministra dhe nobelistë përfshirë ish-kryeministrin britanik, Gordon Brown, ish-presidentin francez, Francois Hollande dhe ish-liderin sovjeitk, Mihail Gorbaçov.
Në një letër drejtuar presidentit amerikan, e raportuar nga ”Financial Times”, ish-liderët kërkojnë heqjen e patentave të këtyre vaksinave duke pretenduar se ky është një hap i domosdoshëm për t’i dhënë fund kësaj pandemie.
”Të veprosh në këtë mënyrë do të thotë të zgjerosh kapacitetin global të prodhimit duke e çliruar atë nga monopolet përgjegjës për mungesat e furnizimit që bllokojnë qasjen në vaksina”, theksojnë autorët e letrës./ATSH
