Ushtarët ruse të dislokuar në zonën e luftimit po marrin udhëzime nga komandantët e tyre për të kryer vetëvrasje, duke i dekurajuar kështu që të dorëzohen.
Kjo u zbulua nga Drejtoria kryesore e Inteligjencës e Ministrisë së Mbrojtjes së Ukrainës (Gur), raporton Ukrinform.
I njwjti burim konfirmon se ata urdhërohen të kryejnë vetëvrasje në situata kritike për të mos u dorëzuar dhe të marrin udhëzime nga komandantët e tyre se si ta bëjnë këtë.
“Titulli i manualit na fton “të ruajmë dinjitetin deri në fund” dhe përshkruan algoritmin e vetëvrasjes duke përdorur armë zjarri apo granata”, thuhet në raport.
"Ushtari i Rusisë së Madhe", nëse përballet me një situatë kritike, ka urdhër të qëllojë veten në tempull, nën mjekër ose në ballë.
Udhëzimet theksojnë se "është e rëndësishme të qëndroni të qetë dhe të tërheqin këmbëzën me besim".
Dhe nëse nuk ka armë ose municione në dispozicion, ushtarët këshillohen të përdorin një granatë.
"Politika e komandantëve rusë kasapi dëshmon për degradimin gjithnjë e më të thellë të ushtrisë pushtuese ruse", komenton inteligjenca, duke kujtuar projektin ukrainas "Unë dua të jetoj" për dorëzimin vullnetar të ushtarëve rusë, i cili u garanton atyre trajtim në përputhje me Konventat e Gjenevës.
/rtsh.al/
