Shqipëria po kërkon një konsulent të jashtëm për mbështetje në zbatimin e legjislacionit të Bashkimit Evropian, në sektorin hekurudhor.
Në faqen e prokurimve publike të BE është hapur thirja për një tender me objektiv kontrate të kontribuojë dhe të ofrojë mbështetje për sektorin hekurudhor shqiptar për të përputhur politikat dhe legjislacionin e Shqipërisë me kërkesat të BE-së.
Synohet gjithashtu ndërtimi i kapaciteteve administrative për të zbatuar politikat sektoriale dhe legjislacionin e miratuar në mënyrë të plotë dhe efektive përmes mbështetjes në 2 fusha kryesore.
Fusha e parë përshin prioritet dhe hartimin e kuadrit ligjor hekurudhor, në përputhje me kërkesat e BE-së.
Ndërkohë që, fusha e dytë përfshin përmirësimi dhe forcimin e kapaciteteve institucionale të Ministirisë së Infrastrukturës dhe Energjisë dhe autoriteteve të tjera hekurudhore shqiptare, nëpërmjet aktiviteteve të ngritjes së kapaciteteve, me fokus të veçantë në përafrimin dhe zbatimin e acquis të BE-së.
Konsulenca parashikohet të kushtojë 700 mijë euro, ndërsa hapja e këtij tenderi vjen në një kohë kur disa projekte hekurudhore në vend kanë avancuar në drejtim të ndërtimit apo sigurimit të financimit për nisjen e rehabilitimit të linjave ekzistuese.
/ rtsh.al /
