Në Teatrin Skampa të Elbasanit kanë nisur provat për realizimin e premierës më të re, komedisë "Çfarë pa kryeshërbëtorja" e autorit anglez Joe Orton. Regjisori Kiço Londo thotë se projekti sjell mesazhe të forta dhe aktuale.
“Edhe pse vepra e ka sensin e intelektit të rrallë të humorit anglez ka dhe aftësinë që komunikon shumë me publikun”, u shpreh regjisori Kiço London.
Gjithashtu edhe për drejtuesin e Teatrit Skampa Klinton Kapaj kjo premier do të prezantohet nga një kast i zgjedhur aktorësh.
“Është premiera e parë që vëmë për këtë vit dhe është një shfaqje të cilës ne i kemi kushtuar shumë vëmendje kastit, organizimin dhe presim që të nxjerrim për publikun në Elbasan një premier të suksesshme”, u shpreh Klinton Kapaj, Drejtori Teatrit Skampa Elbasan.
Premiera e re "Çfarë pa kryeshërbëtorja" do të vendoset në skenën e Teatrit Skampa pas 3 muajsh nën interpretimin e aktorëve si Egla Ceno, Helidon Fino ,Linda Jarani, Mario Elezi, Ëngjëll Hoxha dhe Livjon Aliaj.
/rtsh.al/
