Muzeu i Forcave të Armatosura që prej çeljes së dyerve dhjetorin e kaluar ka mikpritur 16 mijë vizitorë.
I vendosur vetëm pak kilometra larg qendrës së Tiranës, në një hapësirë të dedikuar për ruajtjen dhe promovimin e koleksioneve dhe historisë së ushtrisë shqiptare, Muzeu i Forcave të Armatosura është tashmë një destinacion turistik për vizitorët vendas e të huaj.
Muzeu konsiderohet dhe një pikë referimi për të gjithë koleksionistët e apasionuar pas armatimeve, mjeteve dhe pajisjeve ushtarake.
Ministria e Mbrojtjes bënë të ditur se në fokus tashmë është shtimi i mëtejshëm i koleksioneve dhe organizimi i aktiviteteve të dedikuara për çdo moshë.
/ rtsh.al /
