"Për Shqipërinë, interneti dhe teknologjia nuk janë e nuk duhet të përdoren si armë" deklaroi ministrja për Evropën dhe Punët e Jashtme Olta Xhaçka në takimin e Këshillit të Sigurimit për sigurinë kibernetike dhe implikimet e saj për paqen dhe sigurinë ndërkombëtare. " . Ato duhet të mbeten mjete e forca për të mirën e përbashkët" shtoi ajo.
Zonja Xhaçka drejtoi takimin sëbashku më ambasadoren e SHBA në OKB, Linda Thomas-Greenfiel. Tema takimit ishte “ Përgjegjësia dhe reagimi i shteteve ndaj sulmeve kibernetike”.
"Falenderim dhe mirënjohje për partnerët tanë SHBA, BE , Izrael dhe Emiratet e Bashkuara Arabe që kanë punuar dhe po punojnë krah për krah me ne për të luftuar sulmet kibernetike dhe për më shumë siguri" shkroi zonja Xhaçka në rrjetet sociale.
Shefja e diplomacisë shqiptare vlerëson se "Mbrojtja e infrastrukturës kritike prej aktorëve keqdashës shtetërore dhe joshtetërore është një domosdoshmëri".
/ rtsh.al /