Britania nuk mundi të luftonte me Rusinë më shumë se dy muaj, ka pranuar Zëvendës Shefi i Shtabit të Mbrojtjes.
Gjenerallejtënant Sir Rob Magowan tha se Forcat e Armatosura do të duhet të menaxhojnë "rrezikun operacional" që vjen nga mungesa e burimeve që ai do të donte në luftërat e ardhshme.
Ky konstatim u bw pas shqetwsimeve tw ngritura nga Grant Shapps, Sekretari i Mbrojtjes, qw kwrkojw që të shpenzoheshin më shumë para për mbrojtjen në buxhetin e fundit, por nuk arriti të siguronte një rritje.
"Ne kemi qenë të qartë se duhet të shpenzojmë më shumë para, mbi programin rekord, për atë që ne e quajmë mbrojtje të integruar raketore ajrore."
Shapps foli për nevojën e menjëhershme për të rritur fondet në 2.5% të buxhetit, siç ka premtuar Sunak të bëjë në të ardhmen.
Kjo perspektivë nuk mjafton për forcat e armatosura britanike.
“Ne e kemi bërë shumë të qartë se shuma e parave që shpenzojmë aktualisht për municione që është e rëndësishme nuk përputhet, në përgjithësi, me kërcënimet me të cilat përballemi,” tha Zëvendës Shefi i Shtabit të Britanisë.
“Është gjithashtu e qartë se ne duhet të shpenzojmë më shumë para, përtej programit që kemi, për atë që ne e quajmë mbrojtje gjithëpërfshirëse raketore”, tha ai.
Sir Rob këmbënguli se Britania e Madhe ishte "gati për luftë" megjithëse ai pranoi se nuk ishte e përgatitur për një konflikt të qëndrueshëm kundër Rusisë.
Shapps u tha gjithashtu deputetëve se mësimet e nxjerra nga lufta në Ukrainë treguan rëndësinë e luftës me dron për shkak të faktit se ato janë "vdekjeprurëse" por të lira.
/rtsh.al/