“Banka e Shqipërisë dhe bankat e nivelit të dytë janë vënë dhe vijojnë të mbeten objektiv i sulmeve kibernetike”. Kështu deklaroi Guvernatori i Bankës, Gent Sejko, i cili tha se deri tani nuk është mundur që të thyhet sistemi, ndërsa pritet edhe zbatimi i një projekti për fuqizimin e sistemeve bankare.
Për kreun e Autoritetit Kombëtar për Sigurinë Kibernetike ka ardhur koha që të mendohet më shumë për arsimin profesional dhe masterat e nivelit të parë, me orientim sigurinë kibernetike.
Këto deklarata u bënë gjatë një Konference Kombëtare të Sigurisë Kibernetike, ku ishin pjesë drejtues institucionesh, ekspertë të sigurisë kibernetike, përfaqësues diplomatikë, partnerë ndërkombëtarë dhe përfaqësues nga sektori privat, të cilët diskutuan mbi forcimin e ekosistemit kibernetikë në Shqipëri për mbrojtjen e infrastrukturave kritike.
/RTSH/
